ପିସି କାରବାର ପ୍ରସଙ୍ଗକୁ ନେଇ ଆଜି ବିଜେପି ଯୁବମୋର୍ଚ୍ଚା ପକ୍ଷରୁ ପ୍ରତିବାଦ ସହ ବିକ୍ଷୋଭ-ଭୁବନେଶ୍ୱର

ଭୁବନେଶ୍ୱର: ପିସି କାରବାର ପ୍ରସଙ୍ଗକୁ ନେଇ ଆଜି ବିଜେପି ଯୁବମୋର୍ଚ୍ଚା ପକ୍ଷରୁ ପ୍ରତିବାଦ ସହ ବିକ୍ଷୋଭ କରାଯିବ।  ମାଷ୍ଟରକ୍ୟାଣ୍ଟିନରେ ଏନେଇ ଦଳୀୟ ନେତା ଓ କର୍ମୀ ଏକାଠି ହୋଇ ରାଜ୍ୟ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବେ।   ଗତ ୧୭ ବର୍ଷରେ ଯେତିକି ପିସି ଆଦାୟ ହୋଇଛି, ସେସବୁକୁ ରାଜ୍ୟ ରାଜକୋଷକୁ ଫେରାଇ ଅଣାଯାଉ ବୋଲି ବିଜେପି ପକ୍ଷରୁ ଦାବି କରାଯାଇଛି। ଏବେ ବି ପିସି କାରବାର ଚାଲିଛି, ଏହା ନବୀନ ସରକାରଙ୍କ ଦୁର୍ନୀତିର ଉଦାହରଣ ବୋଲି ବିଜେପି ଅଭିଯୋଗ ଉଠାଇଛି। ପିସି ସମ୍ପର୍କରେ ମଧ୍ୟ ଦଳ ଏକ ଅଡିଓ ରିଲିଜ କରିଛି। ସରକାରଙ୍କ ଦୁର୍ନୀତିକୁ ଲୋକଙ୍କ ନିକଟରେ ପହଞ୍ଚାଇବା ଲାଗି ଦଳ ଏହି ଅଡିଓ ମାଧ୍ୟମରେ ବାର୍ତ୍ତା ଦେଇଛି।  କିଛି ଦିନ ତଳେ ଜିଲ୍ଲାପାଳଙ୍କ ସମ୍ମିଳନୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପିସି କାରବାର ବନ୍ଦ ନେଇ ତାଗିଦ ପରେ ରାଜନୈତିକ ବାତାବରଣ ସରଗରମ ହୋଇଛି।