ପୁରୀ ଜିଲ୍ଲା କିନ୍ନର ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ

ପୁରୀ : ବିଭିନ୍ନ ଅଧିକାର ଦାବୀ ନେଇ ଗୁରୁବାର ପୁରୀ ଜିଲ୍ଲା କିନ୍ନର ସଂଘ ପକ୍ଷରୁ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ସଂଘର ସଭାପତି ଦେବକୀ କିନ୍ନରଙ୍କ ନେତୃତ୍ୱରେ ଶତାଧିକ କିନ୍ନର ଏହି ବିକ୍ଷୋଭରେ ସାମିଲ ହୋଇ ସ୍ଲୋଗାନ ଦେବାସହ ପ୍ରତିବାଦ କରିଥିଲେ। ବିଭିନ୍ନ ଦାବୀନେଇ ଏହି କିନ୍ନର ମାନେ ଉପଜିଲ୍ଲାପାଳଙ୍କ ଅଫିସ ସମ୍ମୁଖରେ ଧରଣା ଦେଇଥିଲେ। ବିଶେଷକରି ସୁପ୍ରିମ୍ କୋର୍ଟଙ୍କ ନିର୍ଦ୍ଦେଶ କ୍ରମେ ତୃତୀୟ ଲିଙ୍ଗର ମାନ୍ୟତା ପାଇଥିବା କିନ୍ନର ମାନଙ୍କୁ ବିଭିନ୍ନ ଜିଲ୍ଲାରେ ହେଉଥିବା ରାଜ୍ୟରେ ଅନେକ ସୁବିଧା ସୁଯୋଗ ମିଳୁଛି। ହେଲେ ପୁରୀ ଭଳି ପର୍ଯ୍ୟଟନ ସ୍ଥଳୀରେ କିନ୍ନର ମାନଙ୍କୁ ନିର୍ଯ୍ୟାତନା ସହ ଭୋଟ ପରିଚୟ ପତ୍ର କି ଆଧାରକାର୍ଡ ଏଯାବତ୍ କରାଯାଇନାହିଁ। ତେଣୁ ପୁରୀ ଜିଲ୍ଳାରେ ୭ ଶହ କିନ୍ନର ମାନେ ଏହି ସମସ୍ୟାରରେ ଥିବାରୁ ତୁରନ୍ତ ସମାଧାନ କରିବାକୁ ଉପଜିଲ୍ଳାପାଳଙ୍କୁ ଦାବୀ ପତ୍ର ପ୍ରଦାନ କରିଛନ୍ତି। ଯଦି ଦାବୀ ପୁରଣ ନହୁଏ ତେବେ ଆଗାମୀ ଦିନରେ ଜିଲ୍ଲାପାଳଙ୍କ ଅଫିସ ଘେରାଉ କରିବ ବୋଲି କହିଛନ୍ତି ସଂଘ।