ପୋଲିସ ଏନକାଉଣ୍ଟରରେ କୁଖ୍ୟାତ ଡକାୟତ ବାବୁ ନାୟକ ଗୁରୁତର ଆହତ-ଭଞ୍ଜନଗର

ବ୍ରହ୍ମପୁର: ଗଞ୍ଜାମ ଜିଲ୍ଲା ଭଞ୍ଜନଗରରେ ପୋଲିସ ଏନକାଉଣ୍ଟରରେ କୁଖ୍ୟାତ ଡକାୟତ ବାବୁ ନାୟକ ଗୁରୁତର ଆହତ ହୋଇଛି। ବାବୁଙ୍କ ଦୁଇ ଗୋଡ଼ ଓ ହାଡାଣ ହାତରେ ଗୁଳି ବାଜିଛି। ତାଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ପୋଲିସ ତାଙ୍କଠାରୁ ୧ କିଲୋଗ୍ରାମ ଓଜନର ସୁନା, ଗୋଟିଏ ପିସ୍ତଲ, ବାଇକ, ବୋମା ଓ ଡିଟୋନେଟର ଜବତ କରିଛି। ବାବୁ ନାୟକ ନୟାଗଡ଼ ଓ ଗଞ୍ଜାମ ଜିଲ୍ଲାର ପୋଲିସ୍‌ ପାଇଁ ମୋଷ୍ଟ ୱାଣ୍ଟେଡ୍‌ ଥିଲା। ତାଙ୍କ ନାଁରେ ମଧ୍ୟ ପୁରସ୍କାର ଘୋଷଣା କରାଯାଇଥିଲା।ବାବୁ ନାଏକ ନାଁରେ ପ୍ରାୟ ୪୦ରୁ ଅଧିକ ଡକାୟତି, ଛିନତାଇ ମାମଲାରେ ଜଡ଼ିତଥିଲେ। ବୁଗୁଡା ବ୍ୟାଙ୍କ ଡକାୟତି ଘଟଣାରେ ସେ ମଧ୍ୟ ସାମିଲ ଥିଲା। ବାବୁକୁ ଧରିବା ପାଇଁ ପୋଲିସ ବହୁ ଦିନରୁ ଚେଷ୍ଟା କରୁଥିଲା। ମାତ୍ର ସେ ପୋଲିସକୁ ଚକମା ଦେଇ ଖସି ପଳାଇବାକୁ ସବୁବେଳେ ଉଦ୍ୟମ କରୁଥିଲା। ତେବେ ଆଜି ବାବୁ ତାରସିଂ ଥାନା ଗରୁଡ଼ପଥର ଗାଁ ନିକଟ ଜାନିବନ୍ଧ ଜଙ୍ଗଲରେ ଥିବା ପୋଲିସ କୌଣସି ସୂତ୍ରରୁ ଜାଣିବାକୁ ପାଇଥିଲା। ପରେ ସମ୍ପୃକ୍ତ ଅଞ୍ଚଳରେ ଚଢ଼ାଉ କରିଥିଲେ। ପୋଲିସକୁ ଦେଇ ବାବୁ ପ୍ରଥମେ ଗୁଳି ଚଳାଇଥିଲା। ଏହା ଜବାବରେ ପୋଲିସ ପାଲଟା ଗୁଳି ଚଳାଇବାରୁ ବାବୁ ଗୁରୁତର ଆହତ ହୋଇଥିଲା।