ସମ୍ୱଲପୁରୀ ଟ୍ରାକ୍ ଶଗଡ ଗାଡ଼ିର ଧୁନ୍‌ରେ ଝୁମିଲା ଆମେରିକା

ଏଥର ଆମେରିକାରେ ଗଡିଲା ଶଗଡ଼ ଗାଡ଼ି । ଜାଇଫୁଲ ଫୁଟିବା ପରେ ଏବେ ଆମେରିକାରେ ଗଡ଼ିଲା ଶଗଡ଼ ଗାଡ଼ି । ସମ୍ୱଲପୁରୀ ଟ୍ରାକ୍ ଶଗଡ ଗାଡ଼ିର ଧୁନ୍‌ରେ ଝୁମିଲା ଆମେରିକା। ଦେଶୀ ଗୀତରେ ବିଦେଶୀ ତଡ଼କା। ଆଉ ଏହି ସମ୍ୱଲପୁରୀ ଗୀତରେ ଗୋରା ମଣିଷଙ୍କ ପାଦକୁ ଅଧିର କରିବାର ସୂତ୍ରଧର ସାଜିଛନ୍ତି ଜଣେ ଓଡ଼ିଆ। ଜୁମ୍ୱୋ ଫିଟନେସ୍ ମୋମେଣ୍ଟର ସାଇନିଂ ଷ୍ଟାର ଅନୁପମ୍ ନାୟକ। ଗତ କିଛି ବର୍ଷ ଧରି ଆମେରିକାରେ ବିଦେଶୀଙ୍କୁ ନୃତ୍ୟ ମାଧ୍ୟମରେ ଦେଉଛନ୍ତି ଜୁମ୍ୱୋ ଫିଟନେସ୍ ତାଲିମ୍। ବିଦେଶରେ ମଧ୍ୟ ବେଶ୍ ଲୋକପ୍ରିୟ ଏହି ଜୁମ୍ୱୋ ଡ୍ୟାନ୍ସ ।

ଓଡ଼ିଶାର ଡ୍ୟାନ୍ସିଂ କୋରିଓଗ୍ରାଫ୍‌ର ଅନୁପମ୍ ନାୟକ। ବିଭିନ୍ନ ଡ୍ୟାନ୍ସ ରିୟାଲିଟି ଶୋରେ ବିଚାରକ ଓ ମେଣ୍ଟର ଭାବେ ସେ ବେଶ୍ ନାଁ କମାଇଛନ୍ତି। ତେବେ ଦିଲ୍ଲୀରୁ ନୃତ୍ୟ ପ୍ରଶିଷଣ ନେଇଥିବା ଏହି ଡ୍ୟାନ୍ସରଙ୍କ ମନ ମାନି ନ ଥିଲା ଓଡ଼ିଶାରେ। ତେଣୁ ପୁଣି ଫେରି ଯାଇଥିଲେ ଦିଲ୍ଲୀ। ବାସ୍ ଏଇଠୁ ଆରମ୍ଭ ହୋଇଥିଲା ଅନୁପମଙ୍କ ଜୁମ୍ୱୋ ଦୁନିଆକୁ ଯାତ୍ରା। ଆମେରିକାରେ ଏକ ଡ୍ୟାନ୍ସ ଏକାଡେମୀ ଖୋଲି ଗହମ ଗୋରୀଙ୍କୁ ନିଜ ଡ୍ୟାନ୍ସରେ ମତୁଆଲା କରୁଛନ୍ତି ସେ। ପୂର୍ବରୁ ମଧ୍ୟ ଲୋକପ୍ରିୟ ଓଡ଼ିଆ ଆଲବମ୍ ଜାଇଫୁଲର ଟ୍ରାକରେ ଗୋରା ମଣିଷକୁ ନଚାଇ ଧୁମ୍ ମଚାଇଥିଲେ ଅନୁପମ। ସେତେବେଳେ ତାଙ୍କର ଏହି ଭିଡିଓ ବେଶ୍ ଭାଇରାଲ ହୋଇଥିଲା ସୋସିଆଲ ମିଡିଆରେ। ଏହି ଜୁମ୍ୱୋ ଫର୍ମାଟ ଅନୁପମଙ୍କୁ ରାତାରାତି ଷ୍ଟାର କରି ଦେଇଥିଲା ।